زيارة معرض القاهرة الدولى للكتاب لعام 2009

يبدأ معرض القاهرة الدولى للكتاب لعام 2009
يوم الأربعاء الموافق 21 يناير
وهيتم فتحة للجمهور يوم الجمعة 23 يناير
المعرض يفتح أبوابه من 10 ص إلى 9 م
ويقام كالمعتاد فى أرض المعارض بمدينة نصر
يوجد مدخل امام استاد القاهرة
ومدخل من شارع صلاح سالم
بيع الكتب موجود حتى نهاية المعرض
وينظم المعرض عشرات الندوات واللقاءات الثقافية
لشعراء وأدباء وعلماء وصحفيين وغيرهم
عنوان الدورة دى
القدس عاصمة الثقافة العربية
يوجد ساحة لبيع الكتب المستعملة
تسمى العرض المكشوف
وهم مجموعة من العارضين فى سور الإزبكية
ويوجد بها مجموعة متنوعة من الكتب
فى كافة التخصصات بأسعار شبه رمزية
بالإضافة لجناح الهيئة المصرية العامة للكتاب
وأيضاً جناح مكتبة الإسرة
التى تقدم عروضاً خاصة بمناسبة المعرض
بإلاضافة إلى الصالات الرئيسية
وسريات لبعض الدول العارضة
بالإضافة إلى أجنحة لجميع دور النشر
المصرية والعربية والعالمية
ويعتبر معرض القاهرة الدولى للكتاب
واحد من أكبر معارض الكتب فى الشرق الأوسط
ويعتبره البعض أفضل ثانى معرض للكتاب
بعد معرض فرانكفورت الدولى
بدأ عام 1969 برئاسة سهير القلماوى
ونظراً لرغبة الكثيرمن الأصدقاء والمدونين
فى عمل زيارة جماعية للمعرض
فقمت بتأسيس جروب للمعرض على الفيس بوك
ويضم حالياً أكثر من ألف وسبعمائة عضو
وأقترح عمل أربع زيارات جماعية
فى الأيام الأتيه
السبت 31/1/2009
إضغط على كل يوم للذهاب للإيفنت
وهى الأيام التى يكون أغلبنا أجازات
وكل مننا له حرية الاختيار
فى الانضمام للزيارة الجماعية
فى الميعاد المناسب له
على أن يكون اللقاء أيام الجمعة
بعد صلاة الجمعة مباشرة أمام الباب الرئيسى
بجوار إستاد القاهرة
(ويوجد بالمعرض مسجد )
بالإضافة للعديد من المساجد المحيطة بالمعرض
واللقاء أيام السبت الساعة 12 ظهراً
أمام الباب الرئيسى للمعرض
فى أصدقاء اكدو مجيهم الجمعة 23 يناير
زى عسقلانى وسارة سورسارة ومروة زهرة الجنة وأنا
أسهل المواصلات للمعرض
من ميدان السيدة عائشة
من ميدان التحرير
من ميدان رمسيس
وتوجد سيارات لخدمة المعرض فى كافة انحاء القاهرة
جروب المعرض
سأوافيكم دائماً إن شاء الله قدر إستطاعتى
بمواعيد الندوات واللقاءات الثقافية والعروض
خلال المعرض

16 Responses to “زيارة معرض القاهرة الدولى للكتاب لعام 2009”

  1. طالب ثانوى Says:

    امممممم طب ماينفعش تخلى ميعاد زيارة يوم 4 فبراير علشان الاسبوع اللى انت كاتبة كلة هيبقى مراجعات وفى نفس الوقت يوم 4 فى الشهر هيكون اليوم قبل الاخير فهتكون كل الاصدارات الجديدة نزلت علشان انا السنة اللى فاتت روحت مرتين فى الاول وكان فى حاجات كتير مش موجودة

  2. FreeKiller Says:

    ياااااااااااااه
    انا عماله احارب عشان الاقي وقت فاضي اروح فيه
    ههههههههههههه
    بس تخيل
    ولا معاد من الاربعه ينفعني
    🙂

  3. FreeKiller Says:

    هو انت عملت التعليقات بأبروفال
    الله الله الله

  4. بذرة امل Says:

    بجد هموت واجى
    هعمل محاولاتى واشوف كدة يمكن

  5. صبرني يارب Says:

    صباخ شكرا على المعلومات الحلوه عن المعرض

    كلمه فى ودنك
    ياريتك شلت البوست الى فات قبل ما اقراه
    زعلت اوي اوي

  6. بت خيخة وأي كلام Says:

    وش واحدة مبتئسة

    وش واحدة بتعيط

    وش واحدة مكتئبة

    وش واحدة زعلانة

    وش واحدة بتشيل بربور من مناخيرها

    ولا يوم من الايام اللى انت عاملها دى يا ابو حميد انا هاقدر اجى فيهم

    انا مضايقة

    سلام
    اختك خيخة

  7. وومن Says:

    اممممممممممم

    شوف يا احمد انا هامووت واروح ربنا يسهل واقدر اجي اي يوم منهم

    تحياتي

  8. ňįĝŗő Says:

    بإذن الله

    أنا جاااااااااااااااااااااااااي

  9. Somaia Says:

    أنا عندي امتحان يوم الأحد بقى
    ومسكينة ومش فاضية للدلع ده
    لو خلصت مذاكرة هاجي الجمعة الجاية .. إنما السبت مستحيل في كل الأحوال يعني
    المفروض الواحد يبقى عنده أي نوع من أنواع الإحساس يعني

  10. مش عارفة الدنيا وخداني علي فين Says:

    اوكي المواعيد تمام
    بس ليا تعليق بالنسبة للأسعار الرمزية في سور الأذبكية لأنها مبقتش رمزية خالص
    في كتب هناك بتتباع بالسعر العادي مع انها مستعملة
    و في بياعين بيبيعوا طبقا لحجم الكتاب
    كبير و لا صغير

  11. mohamed raafat Says:

    طب اللي المواعيد دي مش مناسباه ذي
    ممكن نحدد مع بعض معاد تاني بعد 2/2

  12. Anonymous Says:

    أحمد
    أرجوك تبنى دعوة الأصدقاء لكي يصوتوا ضد إسرائيل على السي إن إن
    أرجوك يا أحمد الفارق بسيط جدا
    أسمعوا العالم صوتكم
    أين حنان الشريف وإحساس لسه حي
    يتركوا معاركهم الصغيرة ويصوتوا ضد إسرائيل ؟
    هويدا صالح / عشق البنات

  13. Anonymous Says:

    أحمد
    تبنى الدعوة للتصويت ضد إسرائيل على السي إن إن
    أرجوك
    هويدا صالح
    / عشق البنات

  14. Marwa Rakha Says:

    http://globalvoicesonline.org/2009/01/22/the-egyptian-bloggers-bookfair/

    thank you

  15. mohammed magdy Says:

    مدونتك رائعة واتمنى انى فى يوم من الايام اوصل بمدونتى لنفس المستوى اللى انت عليه احييك جدا وادعو الله لك بمزيد من التقدم والنجاح

  16. Mushtaqa Lelganah Says:

    السلام عليكم ورحمة الله
    اولا احب ابدى اعجابى الشديد بالمدونة وبتدوينات حضرتك وإلى الأمــــــام دائما
    اما بالنسبة للمعرض فان شاء الله انا هاحضر يوم السبت
    احنا أسرة طلابية فى كلية طب المنصورة ” أسرة يلا شباب ” منظمين زيارة للمعرض يوم السبت ان شاء الله وهانكون متواجدين من الساعة 10 للساعة 5 ان شاء الله وبعده هانطلع على معهد ناصر لزيارة الجرحى الفلسطينين
    فارجو لو حضرتك تبغلنى مواعيد الندوات او حفلات التوقيع اللى هاتكون من 10 ل 5 فى المعرض بإذن الله
    ولو بمسج عالبروفيل بتاعى عالفايس بوك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: