الفيس بوك واللغة العربية

لاحظت منذ أيام قليلة بعض أسماء فيسبوكية باللغة العربية .. والفيسبوك كان قبلها لا يسمح بأسماء الأشخاص إلا بلغة إنجليزية .. ثم لاحظت مع كتابة “نوت” على الفيس بوك أن الفقرة عربية .. تبدأ من اليمين إلى اليسار .. عكس ما هو شائع فى “النوتات” الفيس بوكية
أعتبره الكثيرون أنه نصر للغة العربية وإنه احترام من إدارة الموقع لأهل اللغة المظلومة .. وربما يكون ذلك صحيحاً .. لا أدرى .. لكننى بحكم التعود على الأسماء الإنجليزية فقد شعرت بالضيق عندما رأيت .. حسين .. رنا … عبد النبى .. وليد .. سماح
وقد كنت أراها دائماً بحروف إنجليزية
أعتقد أن أكثر الناس المستفيدين من هذة الخاصية الجديدة .. ربما ذوى الأسماء العويصة .. مثل “آلاء” الذى تجد بشر بيصبح عليها كالآتى: صباح الخير يا علاء باشا عامل ايه
أو “عامر” الذى يجد الكثيرين ينادونة بإسم “أمير” وهكذا
فى الحقيقة أنا لست محبذاً لهذة الخاصية العربية الجديدة .. ربما كانت الفقرات العربية فى “النوت” شيئاً جميلاً .. لكن الأسماء العربية .. لا تضيف جديداً وتعمل على تشوية الشكل العام للموقع… فأنا أعتقد أن الروس أو اليابانيين يكتبون اٍسمائهم أيضاً بلغة أنجليزية
وهذا لا يمس قيمة وإحترام وإعتزازنا بلغتنا .. بل على العكس .. أعتبر هذا الكلام تمهيداً .. لمقال كنت كتبه منذ فترة عن “جروب” آراه تشويها للغتنا العربية الجميلة .. ربما تكون التدوينة القادمة
أحمد الصباغ

17 Responses to “الفيس بوك واللغة العربية”

  1. عاشقه وغلبانه Says:

    انا مش عارفه افهم الفيس بوك ده اساسا
    ههههههههههههههههههههه

  2. وومن Says:

    طب وايه المشكلة يا احمد

    دة معناه انك ممكن بعد كدة تلاقي واجهة مستخدم بالعربي

    مهو بلوجر في واجهة مستخدم بالعربي

    وبعدين مين قال ان كل الروس أو اليابنيين بيمتبوا اسمائم بالإنجليزي في كدة وفي كدة

    عادي يعني

  3. Che Ahmad Says:

    انا اؤيد رأيك للغاية يا احمد واكتر من كدا لما نحب نتعامل مع حد مش عربي او نرد ف جروب مالتي ناشيونال نعمل ايه
    انا كمان اضايقت من شكل الاسامي العربي اللى مش ماشي مع النسق العام خالص

    تحياتي ومحبتي

  4. kareem Says:

    لا ياخالو أحمد اناأعترض
    الاسماء بالعربي مش هتشوه الموقع ولا حاجه وبعدين لو اليبانيين والروس بيكتبوا أسمائهم بالانجليزي برغبتهم دي حاجه ترجعلهم لكن لو ممنوع يكتبوها بلغتهم الام يبقي هي دي المشكلة وبعدين تقصد إيه بإنها هتشوه الموقع مش فاهم؟؟؟؟

  5. مهندس مصري Says:

    دي أمزجة يا باشا
    و للناس فيما يعشقون مذاهب
    🙂

  6. shaimaa samir Says:

    الاخ احمد

    اود ان اشكرك بصدق على كل اللينكات الموضوعة بخصوص معرض الكتاب
    وعلى كل ما يقوم به المدونون من اعمال

    كل التوفيق

  7. faissl Says:

    صباح الخير يا جميل
    أولا مختفي ليه من على الجايكو ذو الحراشيف الخضراء
    ثانيا الفيس بوك يتم ترجمته الى كل اللغات باشتراك المتطوعلن من أعضاؤه وممكن اي حد لو ركب برنامج معين انه يساعد في التعريب وانا مركبه عن نفسي
    وعلى فكره توقع قريبا فيس بوك بواجهة عربية كاملة…!!
    ممكن تشوفها اذا ركبت على بروفايلك برنامج translate
    تحياتي🙂

  8. faissl Says:

    صباح الخير يا جميل
    أولا مختفي ليه من على الجايكو ذو الحراشيف الخضراء
    ثانيا الفيس بوك يتم ترجمته الى كل اللغات باشتراك المتطوعلن من أعضاؤه وممكن اي حد لو ركب برنامج معين انه يساعد في التعريب وانا مركبه عن نفسي
    وعلى فكره توقع قريبا فيس بوك بواجهة عربية كاملة…!!
    ممكن تشوفها اذا ركبت على بروفايلك برنامج translate
    تحياتي🙂

  9. Ahmed Adel El-Feky Says:

    مساء الخير يافندم

    أنا احمد الفقى اللى اتشرفت بمقابله سعادتك فى جناح كيان ساعه حفل توقيع الأستاذ محمد فتحى وكنت لا بس تى شيرت موفى

    وأدى لينك مدونتى

    يا رب تعجبك سعادتك
    هيا حجه على قدنا الواحد برضه لسه ستاشر سنه والتدوين قدامه مفتوح🙂

    http://unjournaliste.blogspot.com

  10. roody hanem Says:

    السلام عليكم

    دى اول زياره ليا عند حضرتك وباذن الله متكونش الاخيره

    بالنسبه للفيس بوك وانه يدخل لغه عربيه انا شايفه ان دى خطوه اجابيه جدا لانها ارحم بكتير من الفرانكو اللى لا محصله لا عربى ولا انجليزى حتى انما تعتبر لغه مشوهه وللاسف كله بيكتب بيها على اساس انهم بيتكتتسفوا يكتبوا عربى مع ان اللغه عربيه لغه جميله ولغه القرأن الكريم ومش شايفه فيها حاجه عيب نتكسف منها يعنى انما هى زى اى لغه

    بالنسبه للاسامى انها تكون مكتوبه بالعربى فيمكن عشان احنا مش معتادين عليها كده وان الموقع كله بالانجليزى فهتبقى غير معتاده شويه لكن مع الوقت هيبقى امر طبيعى ومفيهاش تشويه للموقع ولا اى حاجه

    اسفه للتطويل

    فائق احترامى لحضرتك

  11. قلب الأسد Says:

    هو ممكن الموضوع يبقى حلو لو بقت واجهة الموقع كلها عربي ساعتها مش هيبقى فيه تشويه و لا حاجة ، و بالمرة بقى بزيادة أوبشنات يخلوا الاسم بلغتين مع بعض ، الانجليش عشان الجروبات الناشيونال و اللغة التانية بقى عربي .. روسي .. ياباني على حسب لغة و جنسية العضو .. يا مسهل

  12. هويدا صالح / عشق البنات Says:

    أحمد
    سأكون غدا في المعرض في الساعة الرابعة
    لو ستذهب كلمني
    محبتي يا صديقي

  13. محمد ابراهيم Says:

    مش مشكلة هي حلت مشكلة كبيرة للناس الي حروف اسمها صعب تتكتب بالانجليزي و مفيهاش مشاكل دي خطوة نحييهم عليها
    مفيهاش مشاكل و لا تشويه للغة و لا حاجة

    تحياتي
    محمد

  14. عاشــــــ النقاب ـقــــة"نونو" Says:

    لا اتفق معك
    انا شايفة ان دة ممكن يكون ميزة تنتشر بها اللغة العربية بدل العكس
    على فكرة عميد كلية الاداب حذر من اختفاء اللغة العربية خلال فترة مش كبيرة
    اتمنى اننا كمدونين عرب نساهم اكتر في نشر لغة القران

  15. shreef Says:

    دا يا احمد بالفعل جزء من مشروع لترجمة الفيس بووك كاملاً للغات العالم المختلفة على ايدين اصحاب اللغة نفسهم و بالفعل قربت مرحلة الترجمة تنتهي و هتشوف قريب جدا واجهة مستخدم باللغة العربية و تقدر تشوفها دلوقتي و تشارك كمان في الترجمة بعد تثبيت الابليكيشن ده زي ما فيصل قال
    http://www.facebook.com/translations/
    و باختيارك للغة العربية هتقدر تشوفها قبل ما تنتهي مرحلة الترجمة الكاملة و حكاية اتجاه النوتس فده كان الحل الوحيد علشان يحلوا مشكلة اللغة العربية بسبب اتجاه الكتابة من اليمين للشمال هي و العبرية كمان علشان كدا متستغربش لما تلاقي الفيس بووك كل خد شماله عموما اظن خاصية الاسم ديه هتلاقي استحسان عند الكثيرين و طبعاً هما ليهم الحرية الكاملة و كمان عايز اقول ان يمكن بالفعل الكتير مننا مش هيستخدم العربي لكن الاقل يكفينا ان هوا يكون موجود لان هيفرق مع ناس كتيرة جدا اللغة الانجليزية بالنسبة ليهم بتمثل عائق
    عموما حبيت بس اوضح النقط ديه
    تحياتي

  16. Marwa Rakha Says:

    http://globalvoicesonline.org/2009/02/02/egypt-local-reflections-on-going-local/

  17. Rannon Says:

    والله اتخضيت لما قربيت اسمي :)) أنا معاك في رأيك ولما شفت الاساتمي بقت عربي استغربت ومحبيتهاش بالمرة🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: