حركة 30 فبراير

عندما تتعامل مع العبيط .. حتى لو كان هذا العبيط هو ظالم أو ديكتاتور أو مستبد يحكم بدون شرعية .. فلا يمكن أن تتعامل معه على طول الخط بجدية .. فبالتأكيد سيصدر عن هذا الــ عبيط ما يدعو للضحك .. وبالتأكيد لا أحد يكره السخرية خصوصاُ فى هذه الأيام الحالكة .. وأنا أؤمن بإن السخرية من الظالم العبيط هى أيضاً أحد أسلحة المقاومة السلمية .. .. مثلها مثل الأدب والشعر والكاريكاتير والأحذية وهكذا
وائل عباس قدم نموذج ساخر من محاولة لمحاكمة تدعو للسخرية للزميل محمد عادل  .. وذلك على جريمته التى هى الأبشع فى التاريخ الحديث والقديم والمعاصر وكل التواريخ والأرقام .. ألا وهى إنه إتصور وهو شايل سلاح
وطبعا كما تلاحظون أن الجريمة لا تغتفر .. وأننا لا يمكن أن نغفر لـ محمد عادل انه اتصور وهو شايل سلاح .. ربما نستطيع أن نغفر لإسرائيل قتلها الكام مليون طفل وإمراءة ورجل فلسطينى .. ربما نغفر لها ونصدر لها الغاز ومتكرر ومتصفى كمان
ربما نغفر للحرامية والناهبين والبلطجية والحلنجية ما يفعلوه بمصر .. فهم مننا وعلينا
لكن أن نغفر لـ محمد عادل أن يتصور وشايل سلاح .. لااااااأ
طب إفرض أن هناك أشخاص قد لقوا حتفهم من الرعب من هذه الصور التى رفعها محمد عادل على الانترنت .. وإنتو عارفين إن محمد عادل طلعته جامدة كدة وبصته تخوف .. ما ذنب الأبرياء يا محمد يا عادل فى كل أنحاء العالم أن ترعبهم بصورة وإنت شايل سلاح
ما ذنب أبرياء إسرائيل أن يروك وأنت تحمل سلاحك الفتاك
وعليه فقد إنضم مجموعة من شباب مصر للتضامن المطرقع ضد المحاكمة المطرقعة للإرهابى الشِرس محمد عادل
منهم وائل عباس وجيمى هود ومينا ذكرى وغيرهم
والحقيقة .. بقدر الطرقعة التى فى المحاكمة والطرقعة التى ردت بها حركة 30 فبراير .. جاءت التغطيات العالمية لحركة 30 فبراير .. مطرقعة أيضاً
إذا نلتقى يوم 30 فبراير لنطرقع جميعاً
والآن يأتى دورى فى الطرقعة
وتأتى طرقعة بمستوى خنيق فأتسائل
هو مش فبراير 28 يوم بس ؟
أحمد الصباغ

12 Responses to “حركة 30 فبراير”

  1. مهندس مصري Says:

    لا و ساعات بيبقى 29

    مرة كل 4 سنين
    🙂

    ربنا يفك سجن محمد عادل

  2. 77Math. Says:

    لأ ما هو فبراير زاد يومين من شدة الرعب لما شاف الصور !

    أي حاجة ممكن تحصل في مصر

    !

  3. ahmed saker Says:

    السلام عليكم….
    و انا بقرأ البوست بقول يا ترى انا عندي حاجة يوم 30 فبراير و لا لأ عشان لو هاجى و لا حاجة

    و…وطبعا لقيت نفسي في اخر التدوينة بقول لنفسي تعيش و تاخد غيرها

    دمت بخير

  4. بذرة امل Says:

    ايه الصورة الغريبة دى
    انا مش فاهمة حاجة ؟
    خير ان شاء الله ؟
    اكيد خير

  5. م/ الحسيني لزومي Says:

    اقرأ نص اتفاقية منع تهريب السلاح لغزة
    وادعوا الله ان يثبت مصر في عدم التوقيع عليها

  6. عاشقه وغلبانه Says:

    شايل سلااااااااااااح……..!!!!
    ياجبروته
    جاب قسوه القلب دي منين
    اهئ اهئ
    ذنبنا ايه نحن ضعفاء القلب المتربين علي اكل السوتيه والكايزر وساندوتشات المربي بالزبده

    حرام عليك ياعادل هو قلبنا ناقص رعب
    سلالااااااااااااااااه
    اهئ اهئ

    اعتقد ان في قرار طلع خلي فبراير 30 يوم انت ماحدش بلغك ولا ايه……؟؟

  7. dr.lecter Says:

    عقبال الاحتفال بمرور عام علي 6 ابريل

  8. ملكة بحجابى Says:

    خالو أحمد
    فبراير السنة دى مميز
    هيطلقو عليه فبراير أكشن
    يادوب على اد ماالعالم السياسى بيوجهنا ..ولاننا مانقدرش نكون اكتر من ممثلين فى فيلم وجمهورة مننا ..ههههه يعنى بنتفرج على نفسنا
    حقنا نسمية بئى فبراير أكشن
    أو فبراير شو على رأى توك شو
    تقبل مرورى وسيشرفنى مرورك

    ملكة بحجابى

  9. Anonymous Says:

    مفيش حاجة غريبة على حكومتنا الموقرة ما دام الاصل معروف \\بسمة مسلم

  10. انا ودماغي Says:

    أنا معرفش إيه قصة الصورة دى بس غالبا فى حاجة نص كم بتحصل كالعادة

    بس أتأكد بس يمكن فبراير زاد و أحنا منعرفش ….أصل الحكومة لا يمكن تغلط ابدا

  11. عاشــــــ النقاب ـقــــة"نونو" Says:

    تصدق انا فضلت افكر في الاول هو 30 فبراير دة هيبقى يوم ايه
    من كتر رعبي وانا بفكر في شكل محمد عادل فك الله اسره وهو شايل سلاحه المرعب الاسلاك دخلت في بعضها
    الله يسترك في الاخر فكرتني بان فبراير 28 يوم بس وكل اربع سنين 29 يوم
    يا ترى يا هل ترى فكرك الرشاش اللي جبته ليوسف ابني من اسبوعين لو اظهرت صورته وهو شايله يعتقلوه؟؟؟؟
    انا شايفة الاضمن اخفيه
    السلاح مش الواد يعني
    ربنا يفك اسرنا جميعا
    وعجبي
    تحياتي

  12. Desert cat Says:

    وائل ومينا افتكاستهم جامدة جامدة يعنى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: